سالفــــــــــــــه وربــــــــــــاط اكو رجل صاحب محل مخضر ولديه ولد اثنين اصغار واحد عمره ٦ سنوات والآخر ٤ سنوات فد يوم الرجال ومرته قرروا يروحون بسفر والولد ضلوا بالبيت مع احد اقاربهم لادارة المحل وفي الطريق حدث حادث ومات في الحادث الرجال ومرته وبقوا الولد لوحدهم بالبيت وتعرفون الاقارب مايضلون دائما فقررالولد الكبير ترك المدرسه وتفرغ لتربية اخيه وللعمل في المحل لمعيشتهم وكان يجلس كل يوم وبوقت مبكر يصنع الريوك لاخيه ويلبسه ملابس المدرسه ويعود لادارة المحل وهكذا استمر الحال الى ان اصبحوا شباب احدهم اصبح موظفا والاخر بقه في المحل
في يوم من الايام جلس الاخ الاكبر مع اخيه وقال افلان خويه خلينا نتزوج فقال له اخوه خويه انت اكبر مني اتزوج كاله لاخويه نتزوج اثنينا بيوم واحد فوافق وتزوجوا بيوم واحد وكانت علاقتهم علاقه لامثيل لها لانها كانت علاقة اخوه وابوه وامومه وكانوا كل سنه يذبحون ذبيحه يوزعونها على الجيران بثواب ابوهم وامهم وكانت هذه العلاقه اثارت انتباه زوجاتهم لان الكبير لاياكل الا ان ياتي الصغير والصغير كذالك وقررن الزوجات ان يختبرن هذه العلاقه وكان موعد ذبح الذبيحه السنويه لوالديهم غدا ذبحوا ووزعوا الجيران وبقى قسم من الذبيحه وكانت العاده يحفضونه بالثلاجه وياكلون منه سويه ولكن النسوان ومكرهن جلبت زوجة الجبير قليل من اللحم واعطته لزوجه الاخ الصغير وكالت هاي حصتكم فردت عليها زوجة الصغير خيه جاو والفخذ والمعلاك والباجه كلهن الكم كالت اله ذيج هذا الموجود فسمعوا كلامهن وبعد فتره قصيرة جائوا وطلبوا الغداء وجلسوا سويا وقبل ان ياكلوا قال الكبير للصغيربصوت مسموع خويه انا اريد اطلك مرتي فقال له الصغير اي نطلك خويه احنا اتزوجنا سويه وانطلك سويه فسمعن الكلام وجائن يركضن وقصن عليهم ان مافعلن ذلك الا اختبار لاخوتهم وهذه العلاقه العجيبه بينهم فقط. واذا لم تصدقوا تعالوا وانظروا الثلاجه اللحم جميعه فيها ولم نقسمه ابدا.
شاهد سالفتنه ورباطه..
هسه شتكولون اكو اخ يخرب مع اخوه اذا لم تكن هناك ايادي ناعمه في هذا الخراب .... مع احترامي واستثنائي للنسوان الزينه والمعدله وطيبات القلوب. منقولة بتصرف.
الرئيسية 
