سالفه ورباط (سالفة الشيخ ساچت)
==========
اكو شيخ عرب من الشيوخ الأصل اسمه ساچت
وعنده بالمضيف گهوچي اسمه (گناوي) هذا گناوي شغله يخدر الگهوه ويصب چاي وماي بالمضيف ولو راد يگعد يصير مگعاده بطرف المضيف
شيخ #ساچت عنده تفگه معلگه بصدر المضيف وگبل كل شيخ من الشيوخ عنده تفگه تتسمه بسمه وخاصه بيه.
وره زمن توفه شيخ ساچت وطلعت الشيوخ تشيعه وكل شيخ مخلي تفگته بيمينه ويرمي
گناوي الگهوچي شاف الشيوخ كلها ترمي صفن گناوي
وگال هسه أنا أظل دوم گهوچي اشو الشيخ ومات وذيچ التفگه معلگه بصدر المضيف خلي اكوم اشيلها وارمي بيها حتى يكولون عني شيخ
وتجاسر گناوي وراح أخذ تفگت شيخ ساچت وطلع
گناوي صف بصف الشيوخ وظل يرمي وياهم!! گالو ياهو هذا گناوي أفا أشلون تجاسر گناوي واخذ تفگت الشيخ؟!!
المهم زوجة شيخ ساچت سمعت چيلات تفگت شيخ ساچت ثارن طلعت بره گالت ياهو هذا أخذ تفگت الشيخ اليرمي؟؟ گالوله هذا گناوي
هي هنا هزت براسها وهوست ورباط هوسته يگول:
"عمت عين الدنيا وشوف شتساوي
من شيخ ساچت التفگه ليد گناوي"
هسه رباط سالفتنه
مو ياهو اجة وطينا دفكة وكبرنا كدام ربعة لو ضاع كدرك لاتنسة كدر الوادم
الرئيسية 
